giyera

baril, mahaba at mapusok
walang kinikilalang dugo
pinoy sa pinoy, kay Allah o Hesukristo
isang kalabit na kapangyarihan

bata, takot at umiiyak
takbo, tago, laro ng desperado
kapit sa palda ng nanay
at sa langit tumingala

ama, dibdib na marupok
pusong naghihimagsik
tikom bibig, matang dilat
ang tulog ay panaginip

maynila, maynila kasing ingay ng baril
kahit malayo sa bakbakan
mga henyo sa kuwartong malamig
isang kibit katumbas kapangyarihan

giyera, giyera
baril, patay, tumba
bilangin ang nasawi,
i-anunsyo sa pahayagan

at ang mga naiwan?
agos-luha, patay-gutom,
ano na nga ba ang sanhi?
ah, kapayapaan daw.